Política integral

AUSOLAN, somos un grupo empresarial de orixe cooperativa e formamos parte de MONDRAGON Corporación. Somos expertos na xestión de servizos de restauración, limpeza e auxiliares que aportan valor aos seus clientes e construímos con eles relacións duradeiras baseadas na confianza que xera a nosa profesionalidade e o cumprimento dos compromisos adquiridos. Inspirámonos nos principios básicos cooperativos, no compromiso das persoas e baseamos os nosos valores en:

  1. A honestidade: En Ausolan cumprimos o que dicimos, e facémolo todos os días. Por iso creamos relacións duradeiras baseadas na confianza.
  2. O compromiso: As persoas de Ausolan somos conscientes da importancia que ten rematar o noso traballo no prazo establecido. Encargámonos deste traballo con profesionalidade, responsabilidade, implicación e poñemos o maior esforzo para acadar un resultado de calidade que satisfaga e supere as expectativas.
  3. A cooperación: En Ausolan traballamos en equipo, lideramos e coordinamos os nosos esforzos para fomentar o traballo común e conseguir os obxectivos compartidos.
  4. A iniciativa: En Ausolan consideramos que o noso maior activo é a iniciativa das persoas e a capacidade de xerar solucións innovadoras que respondan ás necesidades dos nosos clientes.

Entre os nosos principais eixes estratéxicos de funcionamento están:

  1. A seguridade alimentaria: a calidade dos nosos produtos e servizos constitúe o factor estratéxico esencial que nos compromete a traballar para satisfacer as necesidades e expectativas dos nosos clientes ao garantirlles unha alimentación segura e saudable, motivada polo noso compromiso coa seguridade hixiénico-sanitaria, en todos os niveis de la organización, adoptando, implantando e mantendo todas as medidas que se establecen nos plans de autocontrol.
  2. Ser unha empresa saudable: compaxinamos a nosa actividade coa promoción e protección da saúde, seguridade e benestar dos traballadores de xeito continuado, xerando ambientes de traballo saudables, comprometéndonos a eliminar os perigos e reducir os riscos de seguridade e saúde no traballo, mediante a consulta e participación dos traballadores.
  3. A sustentabilidade: compaxinamos a nosa actividade coa protección ambiental, así como co respecto ao medio ambiente e a prevención da contaminación, mediante o control de aspectos significativos cunha perspectiva de ciclo de vida, centrándonos especialmente no uso racional dos recursos naturais e na prevención e tratamento adecuado de residuos, vertidos e emisións e realizando accións que fomenten a economía circular, incluíndo a xestión adecuada dos excedentes alimentarios e a inclusión de produtos e provedores de proximidade, impulsando a economía local e mellorando a nosa pegada ambiental.
  4. A inclusión da diversidade e a integración social: respectamos todas as diferenzas individuais de idade, xénero, cultura, relixión e orixe étnica, polo que obtemos unha igualdade de oportunidades laborais para todas as persoas, sen ningún tipo de discriminación, dando prioridade aos resultados e méritos no traballo por riba de calquera outra condición, impulsando o desenvolvemento do talento e da participación, respectando e promovendo o dereito das persoas á conciliación familiar, creando ambientes de traballo que eviten todo tipo de acoso e facilitando a integración nos nosos servizos das persoas con discapacidade, xerando así ambientes máis inclusivos.
  5. Bo goberno: deseñamos e aplicamos procedementos corporativos orientados a favorecer a nosa credibilidade e estabilidade, o que contribúe a fomentar o crecemento e a xeración de riqueza, ao tempo que garante así o noso futuro; ademais do cumprimento de todo o marco normativo que se deba aplicar.

No marco da política xeral de Ausolan, establecemos obxectivos que, ao determinar riscos e oportunidades como base previa a calquera planificación, teñan en conta o contexto social e empresarial e permitan a mellora continua do rendemento da organización. Corresponde á Dirección Xeral realizar o desenvolvemento do Plan Estratéxico en Plans de Xestión anuais mediante procesos que definen os obxectivos cualitativos e cuantitativos en materia de sistemas de xestión.


Laura Rodríguez
Dirección Xeral
Marzo de 2022