Ausolan recibe a primeira certificación en España de Comedor ecorresponsable de Bureau Veritas
06 Xuñ AM- Este distintivo, o primeiro en España avalado por Bureau Veritas, constitúe un referente de sustentabilidade para a restauración a colectividades.
- O primeiro centro certificado con este modelo de Comedor ecorresponsable foi a ikastola Kurutziaga de Durango (Biscaia), que recibiu onte o recoñecemento por parte de Ausolan.
- Un novo modelo de comedor sostible, baseado en nove piares, desde a compra responsable ou a prevención do desperdicio de alimentos ata a mobilidade sostible, o uso eficiente dos recursos ou a corresponsabilidade
A empresa de restauración a colectividades, Ausolan, convértese na primeira entidade de España en obter a certificación de Comedor ecorresponsable de Bureau Veritas coa ikastola Kurutziaga de Durango (Biscaia) como primeiro centro certificado.
O modelo de Comedor ecorresponsable, que se pode aplicar a calquera sector de actividade, “busca fomentar unha alimentación sostible, así como apostar por un modelo que garanta o equilibrio entre o crecemento económico, o coidado do medio ambiente e o benestar social”, afirma Nuria Carbajales, directora de Sistemas de Xestión de Ausolan.
Este modelo inclúe nove piares fundamentais que abarcan os seguintes ámbitos de actuación:
- Compra responsable: darlle prioridade aos produtos ambiental e socialmente responsables.
- Dieta saudable e sostible: facilitar o consumo de alimentos e bebidas que conformen dietas nutritivas, saudables e sostibles en todas as etapas da vida.
- Uso eficiente dos recursos: avanzar cara a modelos enerxéticos e hídricos máis sostibles.
- Prevención do desperdicio de alimentos: para lograr unha produción e un consumo máis sostible.
- Prevención, reutilización, reciclaxe e valoración dos residuos: avanzar a modelos de produción circulares mediante a prevención e redución de residuos.
- Mobilidade sostible: fomentar un transporte máis sostible.
- Educación sostible: concienciar sobre os impactos ambientais e fomentar hábitos sostibles mediante a educación e formación integral no comedor, integrada no proxecto educativo do centro.
- Corresponsabilidade integral do centro: cara á sustentabilidade fóra comedor.
- Organización saudable: garantir a saúde, a seguridade e o benestar dos traballadores.
O equipo de Ausolan acompañará ás empresas ás que lles interese implantar o modelo de Comedor ecorresponsable en todo momento. “Cunha planificación por fases, ofrecerá asesoramento e formación nesta transición cara a un comedor máis sostible”, como indicou a xerente da empresa, Gotzone Heriz.
Ademais, o modelo axudará a cumprir coa lexislación vixente e futura e a obter un aforro económico cunha maior eficiencia enerxética.
Bureau Veritas entrega o certificado de Comedor ecorresponsable a Ausolan despois de superar o proceso de auditoría independente e imparcial que realizou Bureau Veritas, líder mundial en servizos de inspección, certificación e probas. Esta certificación salienta que a empresa de restauración colectiva se aliña cos Obxectivos de Desenvolvemento Sostible da ONU, en concreto, co ODS 12 sobre produción e consumo responsable, que busca reducir á metade o desperdicio mundial de alimentos.
