Canle de denuncias

O Programa de Bo Goberno é o sistema que creou AUSOLAN para garantir o comportamento ético e responsable de AUSOLAN e das persoas que forman parte do Grupo, pero tamén daquelas persoas e entidades coas que nos relacionamos no exercicio da nosa actividade. Este Programa é unha expresión dos principios que se recollen na Misión de AUSOLAN e dos Valores de Honestidade, Compromiso, Cooperación e Iniciativa que asumimos como Grupo, pero tamén é consecuencia da política de Responsabilidade Social de AUSOLAN e do seu compromiso co cumprimento da lei.

Este sistema compóñeno o CAUCE, é dicir, o Código Ausolan de Comportamento Ético, no que se recollen os principios de conduta requiridos e os prohibidos en AUSOLAN; aCanle de Notificación e Consulta aberta para que calquera persoa poida facer preguntas respecto ao cumprimento do CAUCE ou notificar condutas irregulares que poidan supoñer o incumprimento do CAUCE ou algún delito; e unha organización, nomeada polo Consello Reitor de Auzo Lagun, S. Coop., encargada de asegurar a implantación, difusión e funcionamento de todo o sistema, e que son a Persoa Responsable de Cumprimento e o Comité de Auditoría e Cumprimento.

As persoas de AUSOLAN ou calquera persoa interesada poderán facer preguntas sobre o cumprimento do CAUCE ou notificar condutas que poidan constituír un incumprimento do CAUCE, unha infracción administrativa grave ou moi grave ou un delito á Persoa Responsable de Cumprimento mediante os seguintes medios:

• Correo ordinario: Auzo Lagun. S. Coop., Uribarri Etorbidea, 35, 20500 Arrasate-Mondragón (Guipúscoa).
• Correo electrónico: cumplimiento@ausolan.com
• Chamada telefónica: 607 400 333 Extensión: 70270.
• Reunión presencial: se o solicita a persoa informante, nun prazo máximo de sete días.
• De forma adicional, e en todo caso, as incidencias poderanse denunciar mediante a liña xerárquica, o Departamento Social, a Persoa Responsable de Cumprimento e o Comité de Auditoría e Cumprimento.

Sen prexuízo das vías de acceso detalladas, a persoa interesada poderá dirixirse á Autoridade Independente de Protección da Persoa Informante.

A Canle de Notificación e Consulta non é a canle adecuada para reclamacións de carácter comercial, de facturación ou incidencias de servizo e/ou reclamacións de nóminas ou consultas relacionadas co posto de traballo ou co contrato laboral.

Pode consultar o Código Ausolan de Comportamento Ético na seguinte ligazón.

Pode consultar o Procedemento de Notificación e Consulta na seguinte ligazón.