Secretariado Gitano Fundazioak eta Ausolan Fundazioak herrialde mailako lehen hitzarmena sinatu dute ijitoen enplegagarritasuna hobetzeko

Secretariado Gitano Fundazioak eta Ausolan Fundazioak herrialde mailako lankidetza-hitzarmen bat sinatu dute gaur Madrilen, bi erakundeek lan-inklusioarekiko duten konpromisoa sendotzeko eta talde sozial zaurgarrienen aukerak hobetzeko.

Hitzarmena Secretariado Gitano Fundazioaren egoitza sozialean sinatu dute erakunde horretako zuzendari nagusi Sara Giménezek eta Ausolan Fundazioko presidente María Marínek. Itun horrek erakundeen arteko lankidetza-bide berriak irekitzea ahalbidetuko du eta, hala, aukera emango du enplegu duina lortzeko prozesua hobeto koordinatzeko eta eraginkorrago bihurtzeko lurralde osoko ijitoentzat.

2016etik hona bi erakundeek Euskadin eta Nafarroan egindako elkarlanaren sendogarri da hitzarmena, zeina estatu mailara zabaltzen ari baiten orain. Hitzarmenaren helburu nagusia da zaurgarritasun egoeran dauden pertsonen laneratzea hobetzea, bereziki gazte ijitoena, lan-ingurune inklusiboak sustatzea eta gizartea enplegu-aniztasunaren garrantziaren inguruan sentsibilizatzea.

Ausolan 17 emakumeren lankidetzatik sortu zen, 1969an, gizartearekiko konpromisoa oinarri hartuta eta, beranduago, bertatik jaio zen Ausolan Fundazioa ere. María Marínek gogora ekarri du nola ematen dion erakundearen sorrerak inspirazioa «mundu hobe bat sortzeko eta gizartean halako proiektuak ondare gisa uzteko, emakumeen trebakuntza teknikoa eta profesionala hobetzen eta enplegu duina lortzeko aukerak sustatzen dituztenak”.

Sara Giménezek konpromisoa hartu duten enpresekin harremanak sendotzearen garrantzia nabarmendu du: «Ausolanekin dugun lankidetzari esker, 90 pertsona inguru kontratatzea lortu dugu. Elkarlan baliotsu horrek nabarmenki hobetzen du lan egiten dugun pertsonen bizitza”.