Ausolanek beste Aktiba Zaitez kanpaina bat abiarazi du, arreta genero-berdintasunean eta kirol minoritarioetan jarriz

Txikitatik bizimodu osasungarria eta ariketa fisikoa sustatzeko helburuarekin

Ausolanek beste Aktiba Zaitez kanpaina bat abiarazi du, arreta genero-berdintasunean eta kirol minoritarioetan jarriz

• Ausolanen eskola-jantokietan, kirolak protagonismoa berreskuratu du, eta 2024ko Parisko Joko Olinpiko eta Paralinpikoak dira ardatz nagusia.
• Ekimenaren helburua eskola-umeei kirol minoritarioak ezagutaraztea da, goi-mailako emakumezko erreferenteak erabiliz, emakumeek kirolaren historian izan duten papera aldarrikatzeko.

2024ko Parisko Joko Olinpiko eta Paralinpikoak baino hilabete batzuk lehenago, Ausolanek “Aktiba Zaitez” kanpainaren 4. edizioa aurkeztu du, txikitatik bizimodu osasungarria eta ariketa fisikoa sustatzeko helburuarekin, emakumeek kirolaren munduan duten papera nabarmenduz.

“Aktiba Zaitez” kanpaina 8.000 gazte ingururekin egingo da, Euskal Herriko eta Nafarroako 30 eskola-jantokitan, ikasturteko azken hiruhilekoan. Eguerdian jantokian ematen den denbora librea aprobetxatuz, kanpainak honako helburu hau lortu nahi du, Ausolanen Hezkuntza Proiektuko lantaldearen arabera: “kirola egiteak duen garrantzia azaltzea, bai osasun ona mantentzeko, bai gazteenen bitartez gizartea inklusioarekiko eta genero-berdintasunarekiko sentikor bihurtzeko, bizitzaren esparru guztietan, batez ere kirolean”.

Ausolan, genero-berdintasuna bultzatzeko eta jendea gai horren inguruan kontzientziatzeko konpromiso sendoarekin, 2024ko Parisko Jokoez baliatuko da (non parte-hartzaileen % 50a emakumeak izango diren eta beste % 50a gizonak) emakumeek kirol minoritarioetan izandako lorpenak agerian jartzen jarraitzeko eta proba paralinpikoetako kirolarien ahalegina nabarmentzeko.

Oraingo honetan, gainera, Mikel Mujika dietista-nutrizionistak kanpainan parte hartuko du, eta eskoletan zehar ibiliko da, kirola egiteko eta, oro har, osasuntsu egoteko nutrizio onak duen garrantzia azpimarratzeko.

Ausolanen 2024ko aurre-olinpiadek kirolarien balioak eta espiritu olinpikoa indartuko dituzte. Ikasleak zazpi diziplina olinpikotan lehiatuko dira eguerdiko aisialdian. Aurre-olinpiadek honako proba hauek hartuko dituzte barne: errelebo-lasterketa, luzera-jauzia, abiadura-lasterketa, oztopo-lasterketa, pilota- edo pisu-jaurtiketa, iraupen-lasterketa eta oztopodun errelebo-lasterketa.

Erronka eta ariketa fisikoen multzo bat izango da, elikadura osasungarriak, gazteen artean kirol-jarduera sustatzeak, inklusibitatea bultzatzeak eta emakumeak kirolean duen papera nabarmentzeak duten garrantzia transmititzea xede izango duena, emakumezko kirolariak ikusgai bihurtuz. “Neskak eta emakume gazteak kirola egitera, autoestimua garatzera, beren buruarengan konfiantza izatera eta kirolean genero-berdintasuna lortzen laguntzera animatu nahi ditugu“, adierazi du lantaldeak.

Garapen Jasangarrirako Helburuekin konprometitutako kanpaina

Horrez gain, “Aktiba Zaitez” kanpaina Garapen Jasangarrirako Helburuekin konprometituta dago, eta, beraz, edizio honetan 2030 Agendaren bosgarren GJHaren garrantzia azpimarratuko da, genero-berdintasunarekin lotuta dagoena. Beste edizio batzuetan bezala, Ausolanek osasunarekin eta ongizatearekin erlazionatutako helburuak sustatzen jarraituko du, funtsezkoak baitira kirol-diziplina bat praktikatzen den bitartean bizimodu osasungarria izateko, fisikoki eta mentalki osasuntsu eta aktibo mantentzen laguntzen dutelako.

Kirol-diziplina bat egunerokotasunarekin uztartzeko, oso garrantzitsua da bizimodu osasungarria izatea. Horrek fisikoki eta mentalki osasuntsu egoten eta aktibo mantentzen laguntzen du. Ezinbestekoa da, halaber, dieta orekatua jarraitzea. Bestalde, 10. GJHak (“desberdintasunak murriztea”) gogorarazten digu desgaitasuna izateak ez duela eragozten kirol batean mailarik gorenera iristea.